انا اتعس انسان في الدنيا

الدنيا , اتعس , انا , انسان

انا اتعس انسان في الدنيا

مسا الخير على الجميع
واحلى تحيه لاحلى اعضاء
موضوع في بالي وحابب نحكي فيه
هو اني اتعس انسان في الدنيا
مابعرف حاسس انه كل شي ضدي بالحياه بالشغل بالحب بكله ولا كانه شي راضي يجي معي
يمكن لانه الناس سعداء كلهم ولازم اكون تعيس حتى تتساوي النسبه بيني وبينهم
او انه ما في غيري في الدنيا حتى التعاسه والياس يكون نصيبه
هاذ كان شعوري قبل وهو شعور الاغلب هين في المنتدى
يعني بتحس انهم كل ماسي الدنيا على روسهم اذا بضحكوا لحظه ببكوا قبالها مليون لحظه
ما بعرفوا غير التفكير ووجعه الراس والمعاناه
وحاسين كانهم المظلومين في الدنيا والفرحه ما بتعرفلهم مكان
لكن الي بدي اقلهم اياه انتوا اسعد ناس في الدنيا وانا اولكم
انتوا في نعمه غيركم بتمنى من ربه يكون معه الي نص معكم
ما راح اجيب صور من الصومال ولا افريقيا واكلم شوفوا هذول وشوفوا حالكم
لا راح اقول قصه حصلت مع صحابي وقتها راح تعرفوا انكم اسعد ناس في الدنيا
عندي صاحب الي بشتغل انا واياه مع شركه حفر ابار
بتقدروا تحكوا عنه انه شخصيه ولا احلى يعني جسم ومنظر وترتيب ولا احلى من هيك
طبعا الصبح منروح على الشغل احنا بنكون نتعاكس مش بنعاكس
ويوم واحنا بنشتغل وبنضرب في الصخر طارت قطعه حديده صغيره وضربت في عين صاحبي وصار الدم ينزل منها
على الطول اخذناه على المشتسفى في نابلس
وطبعا لانه العلاج مسموح لكل ابناء شعبنا رفضوا المستشفى استقباله لانه ما معه رسوم العلاج
ومن قوه الضربه والصدمه ماكنا عارفين شو نعمل رجعنا على البلد ورحنا على دكتور عيون في بلدنا
وطبعا لانه دكتور ومتعلم قلنا ما فيها شي واعطاه قطره وقله خلص راح تخف
طبعا تريحنا انه خلص القصه طلعت سليمه
لكنه روح على بيتهم وكان مش قادر يفتح عينه
فلما اجى اهله اخذوه على مستشفى ثاني فقلهم الدكتور احنا ما بنقدر نعمله شي لازم على تحولوه على القدس يعني وضعه كان صعب
طبعا تحول على القدس وفي المستشفى كانت الصدمه
طبعا قالوله انه عينه ميته والميه الي فيها اتصفت ولازم تنخلع قبل ما تخرب العين الثانيه طبعا روحوا على الدار والعمليه كانت ثاني يوم طبعا مش مستوعب كل الموضوع وانا لما رحت وسالت شو صار معه وقتها حسيت بالصدمه للي صار
اما اليوم الثاني وبعد ما راح وعمل العمليه ورجع بصراحه قعدت اسبوع مش قادر اروح ازوره
انه كيف بدي اشوفه هيك مبارح كنا ولا احلى واليوم صار بدون عين صعب الواحد يستوعب القصه كلها
وبمجرد ما حاول انه يعيش مع وضعه الحالي كانت الصدمه الثانيه على الطريق
وبما انه بروح باستمرار عشان المراجعه فاكتشفوا انه في تلف باعصاب العين الثانيه والخوف انه ما يقدر يشوف فيها هي كمان
طبعا هاذ الحكي كان اول مبارح وبعدها ما سالت عن وضعه لانه بكفي صدمات وما بدي اشوف صدمه ثانيه

طبعا قبل الضربه الي اخذها كنت احس انه انا اكثر واحد مظلوم ومش عارف يعيش
بس بعد الي شفته وشفت صاحبي كيف هو عرفت شو معنى النعمه الي انا فيها وعرفت انه انا اسعد من كثير في الدنيا وانتوا كمان اسعد من كثير في هاي الارض
عشان هيك عيشوا حياتكم وما تخلوا اي ظروف تدمركم او تخليكم ما تعيشوا الفرحه
لانكم بنعمه غير بتمنى يكون عنده نصها
احترامي للجميع

» هذه هي نار الدنيا
» اجمل شاء فى الدنيا هو الحب