منتدى معالم منسية
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى معالم منسية

ألـعـاب - صور - افلام عربي افلام اجنبي | اغاني | شعبي | كليبات | برامج | كول تون 2011 / تجمع شباب الجامعات /اخرى
 
الرئيسيةبحـثالتسجيلدخول

شاطر | 
 

 الى الشعب المصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جناب السفير سمسم


avatar

الجنس : ذكر الابراج : العقرب الأبراج الصينية : النمر
عدد المساهمات : 638
تاريخ الميلاد : 09/11/1986
تاريخ التسجيل : 12/11/2009
العمر : 31
الموقع الموقع : http://maleem-mansaya.yoo7.com
العمل/الترفيه العمل/الترفيه : الــــــــنـــــــــت
المزاج : اخر شقاااااااااوة

مُساهمةموضوع: الى الشعب المصرى   الثلاثاء ديسمبر 14, 2010 9:23 am

الى الشعب المصرى

ايه يا شعب ايه يا شعب لو ما اتلميتشى هنغيرك نجيب شعب مكانك الصبح والشعوب على قفا من يشيل كلهم نفسهم فى النعمه اللى انتو فيها
أمراض خبيثه وغير خبيثه موجود ومتوفر
رئيس بقاله أكتر من 28 سنه فى سده الحكم ولسه بيسد فيها موجود واحتمال يفضل رئيس لحد بعد الموت كمان موجود
انتخابات موجوده وبتروحوا وبتصوتوا كانكم فى ميتم ومع انه اصواتكم ما لهاش لزمه عندنا وورق وحبر سرى ووجع دماغ بس نعملكم ايه شعب دماغه اطفالى ده حتى الاموات عقبالكم خلتونا طلعناهم يصوتوا معاكم تعبتونا
وزراء منورينا طول المده اللى فاتت دى فيهم وزراء من قبل ما يتولد بعضكم موجود وأكبر منك بيوم يعرف عنك بسنه احسبها انت بقه وغير كده هما اساسا رجال اعمال يعنى بيعملوا سحر يعنى اللى هيفتح بقه فيكم هيتمرمط ويبتدى يشوف خيالات ده اذا شاف حاجه اصلا بعد كده
لقينا انفلوانزا الطيور عند غيرنا جيبنالكم منها انفلوانزا خنازير مش حارمينكم منها وأى نوع جديد هنوفرهولكم مالكم بقه
مسابقات 0900 واى زيرو تحبوه هتلاقوا أهو بنتسلى بيكم قصدى بنسليكم
حشيش مخدرات موجود بوفره ابعت أى عيل صغير فى شارعكم لاى ديلر على أى ناصيه هيجيبللك
شركات اتصالات للموبايلات بتاعتكم وعملنالكم شركات اللى تاخدوه با اليمين مرتبات تصرفوه عليها وغير كده وكده بيحسبوا الدقيقه بمزاجهم وعلى راحتهم من غير رقابه ولا ديولو
با النسبه للستات ما نسيناهومش عملنالهم مقاعد مخصوص فى البرلمان هيلاقوا مقاعد بلاستيك وجلد وكنب لو يحبوا كمان علشان يطروا القعده كده اتخنقنا من منظر الخناشير اللى فى المجلس
اخوان مسلمين وجماعات اسلاميه واحزاب عندكم ولا معندكومش عندكم صحيح الاخوان اكتر من نص قياداتهم ممسوك ومحطوط فى المعتقلات بس النص التانى متراقب يعنى كله تمام
الاحزاب هنعيش ازاى من غير ما حد منهم يكون جنبنا من غير ما يهش ولا ينش جماعات اسلاميه اهم فرقعولهم كام قنبله قتلولهم شويه بس الامور تحت السيطره والايام عديت وهنخرجهم بس بشروطنا مش فاضيين بقه لاى وجع دماغ
لجنه سياسات فى بلد تانيه فيها حاجه زى دى مفيش يعنى عندنا وبس متميزين اللجنه دى غايتها تفرحكم وتنعشكم وتخرب بيتكم قصدى تعمر بيتكم
رئيس اللجنه ابن البلد دى صحيح ما اتعلمشى فى مدارس من بتاعه الجهله والفقراء أمثالكم ولا عمره ركب مواصلات وهيركب ليه ما عربيت البلد تحت امره
هتقولوا ا أكالشى من عيشنا ولا فطر فولنا هو برضو حد ياكل العيش ده ولا الفول الحجرى ده غير لاموأخذه ؟؟؟؟
هتقولوا طب ليه عاوزينه يبقى رئيسنا احنا مش موافقين يا سلام وكانه الحاجات دى بمزاجكم خلاص القوطه أكلت أولادها
عندنا عز حد غيرنا عنده عز وحديد عز واحلام عز وامانى عز وبلد عز يعنى عايشين بعز ايه مفيش شكرا لعمو عز
قطارات بتولع وفرنا عبارات بتغرق وصاحبها يخلع موجود ومتجرب جميع انوع المبيدات المسرطنه والقمح الفاسد فاسد فاسد صحيح لقينا الميه مش ملوثه كفايه وانتوا مش حاسين ظبطنا نسبه التلوث بمرض التيفود ايه تانى بس
شباب عاوز يسافر بره جيبناله نصابين ينصبووا عليه ويسفروه عن طريق غير شرعى وكمان خدمه خمس نجوم يغرقوه على سوحل أوربا يعنى مش سواحلنا علشان الجثه ما ترجعلناش تانى هنا وتقرفنا يعنى هيندفن فى بحر نظيف واللى هتطلع جثته على شواطىء اوربا هو يندفن هناك فى مدافن نظيفه واللى هيعافر ويوصل با السلامه هنبلغ عنه علشان ما تقلقوش احنا مش بنسيب ولادنا فى حالهم واللى هيرجع يا اهلا البلد تنور هيصرف كل الفلوس على علاج اهل بيته ما احنا عاملين معاهم الواجب كله
شات ونت موجود واللى عاوز يتعرف اديله ايميللك وما ترحمهوش واللى تقوللك ابعتلى رصيد وهوريلك اللى عمرك ما شوفته قولها بعينك ما المواقع الثقافيه على قفا من يشيل وكده نظرى وكده نظرى
اقسام شرطه على كل الطرازات ضرب عصيان ومخبرين شغال صعق با الكهرباء مع انها بفلوس بس مش بنعزها عنكم نصوركم كمان وانتوا عريانين ملط (نيوتى تودى زى الدنمارك بتاعه عادل امام)(ومش عارف ايه كده كيس ديك)يعنى عاوز ابوسك بس با الدنماركىوشوف بقه مخبرينا مش بيدققوا فى المناطق اللى هيبوسوها والعصيان بتاعتهم ما لهاش عيون
مدارس بسور واطى علشان تهربوا ونكتبكم غياب عاملين حسابنا جامعات تتخرجوا منها وتقعدوا على النواصى عملنالكم نواصى
واللى عاوز يشيش وفرنا جميع انواع الشيش وافخر انواع المعسل ونسيبكم بقه تهاتوا وتقولوا بطاله عاوزين نشتغلوا كانكم اتعلمتم بجد هى دى مناهج دى تخرج اجيال دى يدوب تخرج من الباب الل ورا مش احنا اللى نكتم على نفسكم اتكلموا قولوا عبروا عن مطالبكم براحتكم احنا ودن من طين وودن من عجين
عملنالكم كبارى وطرق كلها مطبات علشان تركب العربيه وانت مستلز كده وعمال تتنطط من الفرحه انك لازم هيجى عليك وقت تقع من على كوبرى تنزل تحت عربيه نقل وغير كده وكده قوانين مرور بتقول تلبس الحزام علشان بعد ما تعمل الحادثه تيجى تخرج نفسك ما تعرفشى الحزام يكتفك لحد العربيه بقه ما تفرقه السر الالهى يطلع لوحده عربيات اسعاف تيجى بعد ما تكون اتحاسبت كمان لانه اصحابك المسافرين قفلوا الطريق والعربيه بتاعه الاسعاف مش عارفه توصل يعنى ميت ميت
. حد ليه شوق فى حاجه ولكى الله يا مصر

_________________
*ونرجو منكم الانضماكم معانه فى ((( جروب مصر مهد الاديان ))) واننا شعب واحد وايد واحده مسلم ومسيحى
[ندعوك للتسجيل في المنتدى أو التعريف بنفسك لمعاينة هذا الرابط]
*يسعدنا بوجودك معانا فى مقام سيدى التحريرى
[ندعوك للتسجيل في المنتدى أو التعريف بنفسك لمعاينة هذا الرابط]
*معنا فى جروب منتدى معالم منسية
[ندعوك للتسجيل في المنتدى أو التعريف بنفسك لمعاينة هذا الرابط]
*قوم يا مصري
[ندعوك للتسجيل في المنتدى أو التعريف بنفسك لمعاينة هذا الرابط]
*ايه اللى محيرك قول والله المستعان ؟
[ندعوك للتسجيل في المنتدى أو التعريف بنفسك لمعاينة هذا الرابط]
*يا برداعى مش عاوزينك شعب مصر عارف دينك
[ندعوك للتسجيل في المنتدى أو التعريف بنفسك لمعاينة هذا الرابط]
*قلب مجروح وبينزف
[ندعوك للتسجيل في المنتدى أو التعريف بنفسك لمعاينة هذا الرابط]

[/size]
[/center]
الرجوع الى أعلى الصفحة اذهب الى الأسفل
http://maleem-mansaya.yoo7.com
 
الى الشعب المصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى معالم منسية :: شـــبــــابـــيــــات معالم منسية :: الـقـسـم الـعـام-
انتقل الى: